SANGRAM DAS MOHAPATRA

ପ୍ରାୟ 450 କୋଟି ବର୍ଷ ପୂର୍ବରୁ ସୌରମଣ୍ଡଳର ଏକମାତ୍ର ନକ୍ଷତ୍ର ସୂର୍ଯ୍ୟ ଜନ୍ମ ହେବା ବେଳକୁ ତାହାର ଏକ ଜମଜ ଭ୍ରାତା ଥିବା ବୈଜ୍ଞାନିକମାନେ ଅନୁମାନ କରୁଛନ୍ତି, ଯାହାର ନାଁ 'ନେମେସିସ୍' ରଖାଯାଇଛି । ଗବେଷଣାରୁ ଜଣାପଡ଼ିଛି ଯେ, ସୂର୍ଯ୍ୟ ଭଳି ନକ୍ଷତ୍ରଗୁଡ଼ିକ ଅଧିକାଂଶ କ୍ଷେତ୍ରରେ ଜମଜ ନକ୍ଷତ୍ର ସହ ସୃଷ୍ଟି ହୋଇଥାନ୍ତି । ଏହି ନକ୍ଷତ୍ର ନେମେସିସ୍ ହିଁ ଡାଇନୋସରମାନଙ୍କ ବଂଶ ନିପାତ ପାଇଁ ଦାୟୀ ବୋଲି ଅନୁମାନ କରାଯାଉଛି । ନେମେସିସର ମହାକର୍ଷଣ ବଳ ଯୋଗୁଁ ସୌରମଣ୍ଡଳ ବାହାରୁ ଏକ କିମ୍ବା ଏକାଧିକ ଗ୍ରହାଣୁ ଆକର୍ଷିତ ହୋଇ ପୃଥିବୀ ସହ ଧକ୍କା ହେବା ଫଳରେ ପୃଥିବୀ ପୃଷ୍ଠରୁ ଡାଇନୋସର ନିପାତ ହୋଇଯାଇଥିଲା ବୋଲି ଅନୁମାନ କରାଯାଉଛି । ସୂଚନାଯୋଗ୍ୟ ଯେ, ପ୍ରାୟ 650 ଲକ୍ଷ ବର୍ଷ ପୂର୍ବରୁ ପୃଥିବୀ ପୃଷ୍ଠରୁ ଡାଇନୋସରଙ୍କ ବଂଶ ନିପାତ ହୋଇଥିଲା ଏବଂ ତାହାର ପ୍ରକୃତ କାରଣ ଆଜି ବି ଅଜଣା । [ନେମେସିସର କାଳ୍ପନିକ କକ୍ଷପଥ] ବିଗତ 2500 ଲକ୍ଷ ବର୍ଷ ପୂର୍ବର ଇତିହାସ ସମ୍ପର୍କରେ ଗବେଷଣାରୁ ଜଣା ପଡ଼ିଛି ଯେ, 12 ଥର ଏଭଳି କିଛି ଅଘଟଣ ଘଟିଛି, ଯାହାଦ୍ୱାରା ପୃଥିବୀ ପୃଷ୍ଠରୁ ସମ୍ପୂର୍ଣ୍ଣ ଜୀବସତ୍ତା ଲୋପ ପାଇଛି । ଅର୍ଥାତ ପ୍ରତି 260 ଲକ୍ଷ ବର୍ଷରେ ପୃଥିବୀରେ ଜୀବସତ୍ତା ଧ୍ୱଂସ ହୋଇଛି । ଏହା ପଛରେ ଏକ ବାହ୍ୟ ମହାଜାଗତିକ ବସ୍ତୁର ଭୂମିକା ରହିଛି ବୋଲି ଅନୁମାନ କରାଯାଉଥିଲେ ମଧ୍ୟ ତାହା କଣ ବୋଲି କେହି ଜାଣିପାରୁନଥିଲେ ...

ଅନନ୍ତ ମହାକାଶରେ ଘଟୁଛି କେତେ ଅଜବ ଘଟଣା । ମହାକର୍ଷଣ ତରଙ୍ଗ ଉପରେ ନଜର ରଖିବା ପାଇଁ ଆମେରିକାର ନ୍ୟୁୟର୍କ  ଓ ଲୁସିଆନାରେ ସ୍ଥାପନ କରାଯାଇଥିବା ଦୁଇଟି ଲେଜର୍ ଇଣ୍ଟରଫେରୋମିଟର ଗ୍ରାଭିଟେସନାଲ ୱେଭ୍ ଅବଜରଭେଟରି (ଲିଗୋ) ରେକର୍ଡ କରିଥିବା ଏକ ବିରଳ ଶବ୍ଦ ଏବେ ବୈଜ୍ଞାନିକଙ୍କ କାନରେ ପଡ଼ିଛି । ଏହା ହେଉଛି ଦୁଇଟି କୃଷ୍ଣଗର୍ତ୍ତ ବା ବ୍ଲାକ ହୋଲ ଧକ୍କା ହେବାର ଶବ୍ଦ । କୃଷ୍ଣଗର୍ତ୍ତ ହେଉଛି ଏକ ନକ୍ଷତ୍ରର ଏଭଳି ଏକ ଅବସ୍ଥା,  ଯାହାର ମହାକର୍ଷଣ ଶକ୍ତି ଏତେ ଅଧିକ ଯେ, ତାହା ନିକଟରେ ଥିବା ସମସ୍ତ ପଦାର୍ଥକୁ ନିଜ ମଧ୍ୟକୁ ଟାଣି ନେଇଥାଏ । ଏପରିକି ଆଲୋକ ମଧ୍ୟ ତାହାର ଆକର୍ଷଣ ଶକ୍ତିରୁ ବର୍ତ୍ତି ପାରେ ନାହିଁ । ଲିଗୋ ରେକର୍ଡ କରିଥିବା କୃଷ୍ଣଗର୍ତ୍ତ ଧକ୍କା ହେବାର ଶବ୍ଦକୁ ବିଶ୍ଳେଷଣ କରି ମହାକାଶ ବିଜ୍ଞାନୀ ମାନେ ଅନୁମାନ କରୁଛନ୍ତି ଯେ, ଏହା ଦୁଇଟି ବିଶାଳ କିନ୍ତୁ ଭିନ୍ନ ଭିନ୍ନ ଆକାରର କୃଷ୍ଣ ଗର୍ତ୍ତ ଧକ୍କା ହେବା ଶବ୍ଦ । ଗୋଟିଏ ସୂର୍ଯ୍ୟ ଠାରୁ 30 ଗୁଣ ବଡ଼ ଏବଂ ଅନ୍ୟଟି ପ୍ରାୟ 19 ଗୁଣ ବଡ଼ । ସେମାନେ ପରସ୍ପର ନିକଟକୁ ଆସିବା ପରେ ପରସ୍ପର ଚାରିପଟେ ବୁଲିବାରେ ଲାଗିଲେ ଏବଂ ଧୀରେଧୀରେ ନିକଟତର ହେବାକୁ ଲାଗିଲେ । ଶେଷରେ ବଡ଼ ଆକାରର ବ୍ଲାକ ହୋଲଟି ସାନ ବ୍ଲାକ ହୋଲଟିକୁ ଗିଳିଦେଲା ଏବଂ ସେମାନେ ଧକ୍କା ହେବା ଫଳରେ ଏକ ବିଶାଳ ମହାଜାଗତିକ ବିସ୍ଫୋରଣ ହେଲା । ଏହାର ଶବ୍ଦ ଲିଗୋ ରେକର୍ଡ କରିଛି । ଆହୁରି...

ସାତ ଜଣ ଭାରତୀୟ ଛାତ୍ରଛାତ୍ରୀଙ୍କ ଦ୍ୱାରା ନିର୍ମିତ ବିଶ୍ୱର ସବୁଠାରୁ କ୍ଷୁଦ୍ର ଓ ହାଲୁକା କୃତ୍ରିମ ଉପଗ୍ରହ କଲାମ୍-ସାଟ୍ ଆସନ୍ତା ଜୁନ 21 ତାରିଖରେ ମହାକାଶକୁ ଯିବ । ଭାରତର ପୂର୍ବତନ ରାଷ୍ଟ୍ରପତି ତଥା ବିଶିଷ୍ଟ ବୈଜ୍ଞାନିକ ଡ. ଏପିଜେ ଅବଦୁଲ କଲାମଙ୍କ ଅନୁସାରେ ନାମିତ କୃତ୍ରିମ ଉପଗ୍ରହ କଲାମ୍-ସାଟ୍ କୁ ମହାକାଶକୁ ପଠାଇବ ଆମେରିକୀୟ ମହାକାଶ ଗବେଷଣା ସଂସ୍ଥା- ନାସା । ତାମିଲନାଡ଼ୁର 18 ବର୍ଷୀୟ ରିଫତ୍ ସେରୁକଙ୍କ ନେତୃତ୍ୱରେ ଆଉ 6 ଜଣ ଛାତ୍ରଛାତ୍ରୀ ଏହାକୁ ଡିଜାଇନ କରିବା ସହ ନିର୍ମାଣ କରିଛନ୍ତି । କଲାମ୍-ସାଟ୍ ବିଶ୍ୱର ସବୁଠାରୁ କ୍ଷୁଦ୍ର ଓ ହାଲୁକା ଉପଗ୍ରହ ।  ରିନଫୋର୍ସଡ୍ କାର୍ବନ ଫାଇବର୍ ପଲିମରରେ 3-ଡି ପ୍ରିଣ୍ଟିଂ ପଦ୍ଧତିରେ ନିର୍ମିତ ଏହି ସାଟେଲାଇଟର ଓଜନ ମାତ୍ର 64 ଗ୍ରାମ ଏବଂ ଏହା 3.8 ସେଣ୍ଟିମିଟର ଆକାରର କ୍ୟୁବ୍ ମଧ୍ୟରେ ରହିପାରେ । ମାଇକ୍ରୋ ଗ୍ରାଭିଟି ବା କ୍ଷୀଣ ମାଧ୍ୟାକର୍ଷଣରେ 3-ଡି ପ୍ରିଣ୍ଟ ହୋଇଥିବା କାର୍ବନ ଫାଇବର୍ କିଭଳି କାର୍ଯ୍ୟ କରେ, ତାହା ଜାଣିବା ପାଇଁ ଏହି କୃତ୍ରିମ ଉପଗ୍ରହ ମହାକାଶରେ ମାତ୍ର 12 ମିନିଟ ପାଇଁ କାର୍ଯ୍ୟ କରିବ । ତେବେ ସ୍ୱଳ୍ପ ସମଯ ପାଇଁ କାର୍ଯ୍ୟ କଲେ ମଧ୍ୟ ମହାକାଶ ବିଜ୍ଞାନରେ ଏହା ଏକ ନୂଆ ଅଧ୍ୟାୟ ଆରମ୍ଭ କରିବାର ସମ୍ଭବନା ରହିଛି ଏବଂ ନିଃସନ୍ଦେହରେ କୁହାଯାଇପାରେ, ଭାରତ ପାଇଁ ଏହା ଏକ ଗର୍ବର ବିଷୟ ।   ଆହୁରି ପଢ଼ନ୍ତୁ: ମିଳିଲା ପ୍ଲାଷ୍ଟିକ ଖାଉଥିବା...

ଆସନ୍ତା ବର୍ଷକୁ ଅର୍ଥାତ୍ 2018ରେ ବିଶ୍ୱର ପ୍ରଥମ ସୌର ଅଭିଯାନ କରିବାକୁ ଯୋଜନା କରୁଛି ଅାମେରିକୀୟ ମାହାକାଶ ଗବେଷଣା ସଂସ୍ଥା ନାସା । ଏହା ସୌରମଣ୍ଡଳ ବା କୋରୋନାକୁ ଏକ ମାନବ ବିହୀନ ମହାକାଶଯାନ ପଠାଇବ, ଯାହାର ନାଁ ରହିଛି 'ପାର୍କର୍ ସୋଲାର୍ ପ୍ରୋବ୍' । ସୌରପବନ ନେଇ ପ୍ରଥମ ଥର ପାଇଁ ଗବେଷଣା କରିଥିବା ମହାକାଶ ବିଜ୍ଞାନୀ ଇଉଗିନି ପାର୍କରଙ୍କ ନାଁରେ ଏହି ମହାକାଶଯାନକୁ ନାମିତ କରାଯାଇଛି । ଏହା ସୌରମଣ୍ଡଳ (Sun's atmosphere)କୁ ଯାଇ ଅତି ନିକଟରୁ ସୌରପୃଷ୍ଠର ଫଟୋ ଉଠାଇବା ସହ ତାପମାତ୍ରା, ବିକିରଣ ଓ ସୌରପବନ ଆଦି ସମ୍ପର୍କିତ ଅନେକ ଅଜଣା ତଥ୍ୟ ସଂଗ୍ରହ କରିବ । ଏହି ସୌର ଅଭିଯାନ ଓ ପାର୍କର୍ ସୋଲାର୍ ପ୍ରୋବ୍ ସମ୍ପର୍କିତ କିଛି ତଥ୍ୟ: ଜୁଲାଇ 31, 2018ରେ ଏହି ମହାକାଶଯାନ ଉତକ୍ଷେପଣ ହେବ ଲଞ୍ଚ୍ ୱିଣ୍ଡୋ ରହିଛି ଜୁଲାଇ 31- ଅଗଷ୍ଟ 19, 2018 ଆମେରିକାର ଫ୍ଲୋରିଡା ସ୍ଥିତ କେନେଡି ସ୍ପେଶ୍ ସେଣ୍ଟରରୁ ଉତକ୍ଷେପଣ ହେବ ଡେଲଟା IV ହେଭି ରକେଟ୍ ସାହାଯ୍ୟରେ ଏହାକୁ ଉତକ୍ଷେପଣ କରାଯିବ ସିଧାସଳଖ ସୌରମଣ୍ଡଳ ବା କୋରୋନା ମଧ୍ୟକୁ ପ୍ରବେଶ କରିବ 7 ବର୍ଷ ମଧ୍ୟରେ ସୂର୍ଯ୍ୟ ନିକଟ ଦେଇ 7ଥର ଗତି କରିବ ନଭେମ୍ବର 1, 2018ରେ ପ୍ରଥମ ଥର ପାଇଁ ସୂର୍ଯ୍ୟର ନିକଟବର୍ତ୍ତୀ ହେବ ଡିସେମ୍ବର 19, 2024ରେ ସୂର୍ଯ୍ୟର ଅତି ନିକଟତର (63ଲକ୍ଷ କିଲୋମିଟର ଦୂରତା) ହୋଇ ଗତି କରିବ 1377 ଡିଗ୍ରୀ ସେଲସିୟସରୁ ଅଧିକ ତାପମାତ୍ରା...