ଆସନ୍ତା ବର୍ଷକୁ ସୌର ଅଭିଯାନ: ଜାଣନ୍ତୁ ସୂର୍ଯ୍ୟକୁ ହାତମୁଠାରେ ପାଇବାକୁ କ'ଣ ରହିଛି ଯୋଜନା [Mission to sun in 2018]

ଆସନ୍ତା ବର୍ଷକୁ ଅର୍ଥାତ୍ 2018ରେ ବିଶ୍ୱର ପ୍ରଥମ ସୌର ଅଭିଯାନ କରିବାକୁ ଯୋଜନା କରୁଛି ଅାମେରିକୀୟ ମାହାକାଶ ଗବେଷଣା ସଂସ୍ଥା ନାସା । ଏହା ସୌରମଣ୍ଡଳ ବା କୋରୋନାକୁ ଏକ ମାନବ ବିହୀନ ମହାକାଶଯାନ ପଠାଇବ, ଯାହାର ନାଁ ରହିଛି 'ପାର୍କର୍ ସୋଲାର୍ ପ୍ରୋବ୍' । ସୌରପବନ ନେଇ ପ୍ରଥମ ଥର ପାଇଁ ଗବେଷଣା କରିଥିବା ମହାକାଶ ବିଜ୍ଞାନୀ ଇଉଗିନି ପାର୍କରଙ୍କ ନାଁରେ ଏହି ମହାକାଶଯାନକୁ ନାମିତ କରାଯାଇଛି । ଏହା ସୌରମଣ୍ଡଳ (Sun's atmosphere)କୁ ଯାଇ ଅତି ନିକଟରୁ ସୌରପୃଷ୍ଠର ଫଟୋ ଉଠାଇବା ସହ ତାପମାତ୍ରା, ବିକିରଣ ଓ ସୌରପବନ ଆଦି ସମ୍ପର୍କିତ ଅନେକ ଅଜଣା ତଥ୍ୟ ସଂଗ୍ରହ କରିବ ।

ଏହି ସୌର ଅଭିଯାନ ଓ ପାର୍କର୍ ସୋଲାର୍ ପ୍ରୋବ୍ ସମ୍ପର୍କିତ କିଛି ତଥ୍ୟ:

• ଜୁଲାଇ 31, 2018ରେ ଏହି ମହାକାଶଯାନ ଉତକ୍ଷେପଣ ହେବ
• ଲଞ୍ଚ୍ ୱିଣ୍ଡୋ ରହିଛି ଜୁଲାଇ 31- ଅଗଷ୍ଟ 19, 2018
• ଆମେରିକାର ଫ୍ଲୋରିଡା ସ୍ଥିତ କେନେଡି ସ୍ପେଶ୍ ସେଣ୍ଟରରୁ ଉତକ୍ଷେପଣ ହେବ
• ଡେଲଟା IV ହେଭି ରକେଟ୍ ସାହାଯ୍ୟରେ ଏହାକୁ ଉତକ୍ଷେପଣ କରାଯିବ
• ସିଧାସଳଖ ସୌରମଣ୍ଡଳ ବା କୋରୋନା ମଧ୍ୟକୁ ପ୍ରବେଶ କରିବ
• 7 ବର୍ଷ ମଧ୍ୟରେ ସୂର୍ଯ୍ୟ ନିକଟ ଦେଇ 7ଥର ଗତି କରିବ
• ନଭେମ୍ବର 1, 2018ରେ ପ୍ରଥମ ଥର ପାଇଁ ସୂର୍ଯ୍ୟର ନିକଟବର୍ତ୍ତୀ ହେବ
• ଡିସେମ୍ବର 19, 2024ରେ ସୂର୍ଯ୍ୟର ଅତି ନିକଟତର (63ଲକ୍ଷ କିଲୋମିଟର ଦୂରତା) ହୋଇ ଗତି କରିବ
• 1377 ଡିଗ୍ରୀ ସେଲସିୟସରୁ ଅଧିକ ତାପମାତ୍ରା ଦେଇ ଏହା ଗତି କରିବ  
• ପାର୍କର୍ ସୋଲାର୍ ପ୍ରୋବ୍ 11.5 ସେମି ମୋଟେଇର କାର୍ବନ-କମ୍ପୋଜିଟରେ ଢାଙ୍କି ହୋଇ ରହିଛି
• ଏହା 1400 ଡିଗ୍ରୀ ସେଲସିୟସ ତାପମାତ୍ରା ସହ୍ୟ କରିପାରିବ
• ଫଳରେ ଏହା ଭିତରେ ଥିବା ଯନ୍ତ୍ର ଗୁଡ଼ିକର ତାପମାତ୍ରା ସାଧାରଣ ରହିବ
• ଏହା ଘଣ୍ଟା ପ୍ରତି ପ୍ରାୟ 7ଲକ୍ଷ କିଲୋମିଟର ବେଗରେ ଗତି କରିବ
• ଏହାର ଲମ୍ବ 3 ମିଟର ଏବଂ ଓଜନ 685 କିଲୋଗ୍ରାମ

ଆହୁରି ପଢ଼ନ୍ତୁ: ଆଲୋକ ବର୍ଷ: ସମୟ ନୁହେଁ, ଦୂରତା