ଯଦି ଜହ୍ନମାମୁଁ ନଥାନ୍ତେ: କେମିତି ହୁଅନ୍ତା ଚନ୍ଦ୍ରବିହୀନ ପୃଥିବୀରେ ଜୀବନ? [What if the moon didn't exist?]
ପୃଥିବୀରେ ଜୀବସତ୍ତା ସୃଷ୍ଟି ହୋଇପାରିନଥାନ୍ତା କିମ୍ବା ଯଦିବି ହୋଇଥାନ୍ତା ଏଭଳି ଜଟିଳ ଗଠନ ପ୍ରକ୍ରିୟା ସମ୍ଭବ ହୋଇପାରିନଥାନ୍ତା । ତେବେ ଆସନ୍ତୁ ଜାଣିବା ଚନ୍ଦ୍ରବିହୀନ ପୃଥିବୀ କେମିତି ହୁଅନ୍ତା?
- ଆହୁରି ଅନ୍ଧାର ରାତି: ଚନ୍ଦ୍ର ନଥିଲେ ରାତି ଆହୁରି ଯଥେଷ୍ଟ ଅଧିକ ଅନ୍ଧକାରମୟ ହୁଅନ୍ତା । ରାତି ଆକାଶରେ ଚନ୍ଦ୍ର ପରେ ଶୁକ୍ର ଗ୍ରହ ହେଉଛି ଉଜ୍ଜ୍ୱଳତମ ବସ୍ତୁ । କିନ୍ତୁ ପୃଥିବୀକୁ ଆଲୋକିତ କରିବା ପାଇଁ ଯଥେଷ୍ଟ ହୋଇନଥାନ୍ତା । ପୂର୍ଣ୍ଣିମାରେ ଚନ୍ଦ୍ରର ଆଲୋକ ଶୁକ୍ର ଗ୍ରହର ଆଲୋକ ଠାରୁ 2000 ଗୁଣ ଉଜ୍ଜ୍ୱଳ ।
- ଛୋଟ ଦିନ, ବଡ଼ ବର୍ଷ: ଚନ୍ଦ୍ର ନଥିଲେ ପୃଥିବୀରେ 24 ଘଣ୍ଟାରେ ଗୋଟିଏ ଦିନ ହେବା ପରିବର୍ତ୍ତେ 6 ରୁ 12 ଘଣ୍ଟାରେ ଗୋଟିଏ ଦିନ ହୁଅନ୍ତା ଏବଂ 1100 ରୁ 1400 ଦିନରେ ଗୋଟିଏ ବର୍ଷ ହୁଅନ୍ତା । ଚନ୍ଦ୍ରର ଗୁରୁତ୍ୱାକର୍ଷଣ ଶକ୍ତି ଯୋଗୁଁ ପୃଥିବୀର ଆବର୍ତ୍ତନ ଏବଂ ପରିକ୍ରମଣ ବେଗ ମନ୍ଥର ହେବାରେ ଲାଗିଛି । ନଚେତ୍ ପୃଥିବୀ ସୃଷ୍ଟି ହେବା ସମୟରେ ଆହୁରି ଦ୍ରୁତ ଗତିରେ ବୁଲୁଥିଲା । କିନ୍ତୁ ଚନ୍ଦ୍ରର ପ୍ରଭାବରେ ପୃଥିବୀର ଗତି ମନ୍ଥର ହେବା ପ୍ରକ୍ରିୟା ଅତ୍ୟନ୍ତ ଧୀରେ ଧୀରେ ହୋଇଥାଏ । ଅର୍ଥାତ୍ ଗୋଟିଏ ବର୍ଷରେ ପୃଥିବୀ ପ୍ରାୟ 1 ମାଇକ୍ରୋସେକେଣ୍ଡ ମନ୍ଥର ହୋଇଥାଏ ।
- ଛୋଟ ଜୁଆର: ଚନ୍ଦ୍ର ନଥିଲେ ସମୁଦ୍ରରେ ବର୍ତ୍ତମାନ ଠାରୁ ଛୋଟ ଛୋଟ ଜୁଆର ଆସନ୍ତା । ଯଦିଓ ଜୁଆର ପାଇଁ ଉଭୟ ସୂର୍ଯ୍ୟ ଓ ଚନ୍ଦ୍ରର ଆକର୍ଷଣ ଶକ୍ତି କାର୍ଯ୍ୟ କରେ, କିନ୍ତୁ ଚନ୍ଦ୍ର ନଥିଲେ କେବଳ ସୂର୍ଯ୍ୟର ଆକର୍ଷଣରେ ଅଳ୍ପ ଉଚ୍ଚତା ବିଶିଷ୍ଟ ଜୁଆର ସୃଷ୍ଟି ହୁଅନ୍ତା । ଚନ୍ଦ୍ର ଆକାଶରେ ଥିବା ଯୋଗୁଁ ପ୍ରାୟ 3 ଗୁଣ ଉଚ୍ଚତାରେ ଜୁଆର ଆସୁଛି ।
- ଚନ୍ଦ୍ରଗ୍ରହଣ ଓ ସୂର୍ଯ୍ୟପରାଗ ଅସମ୍ଭବ: ଚନ୍ଦ୍ର ନଥିଲେ ଚନ୍ଦ୍ରଗ୍ରହଣ ତ ଦେଖିବାକୁ ମିଳିନଥାନ୍ତା, ସୂର୍ଯ୍ୟପରାଗ ମଧ୍ୟ ସମ୍ଭବ ହୋଇନଥାନ୍ତା । କାରଣ ସୂର୍ଯ୍ୟ ଓ ପୃଥିବୀ ମଧ୍ୟରେ ଚନ୍ଦ୍ର ଆସିଲେ ସୂର୍ଯ୍ୟପରାଗ ହୋଇଥାଏ ।
- ଅନିୟମିତ ଋତୁ ପରିବର୍ତ୍ତନ: ଚନ୍ଦ୍ର ଯୋଗୁଁ ପୃଥିବୀ ନିଜ ଅକ୍ଷ ଠାରୁ 23.5 ଡିଗ୍ରୀ ଢଳି ରହିଛି । ଫଳରେ ପୃଥିବୀରେ ଋତୁ ପରିବର୍ତ୍ତନ ସମ୍ଭବ ହେଉଛି । ଚନ୍ଦ୍ର ନଥିଲେ ପୃଥିବୀ କୌଣସି ନିର୍ଦ୍ଦିଷ୍ଟ କୋଣରେ ଢଳି ରହିନଥାନ୍ତା । ଫଳରେ ହୁଏତ ଅତ୍ୟନ୍ତ ଅସହ୍ୟ ଋତୁ ପରିବର୍ତ୍ତନ ହୁଅନ୍ତା କିମ୍ବା ଆଦୌ କୌଣସିବି ଋତୁ ପରିବର୍ତ୍ତନ ହୋଇନଥାନ୍ତା ।
ଆହୁରି ପଢ଼ନ୍ତୁ: ନେମେସିସ୍: ସୂର୍ଯ୍ୟର ଦାନବ ଯମଜ ଓ ଡାଇନୋସରଙ୍କ ବଂଶ ନାଶକ
You are doing a wonderful job. very useful info.
ReplyDeleteThank You for inspiring us. Keep visiting our blog. You can follow us on blogger or can connect in Facebook and Twitter.
Delete