ଜାତୀୟ ବିଜ୍ଞାନ ଦିବସ- 2017 [National Science Day]

national science day, cv raman
ସାଧାରଣ ଲୋକଙ୍କ ଜୀବନରେ ବିଜ୍ଞାନର ଭୂମିକା କେତେ ଗୁରୁତ୍ୱପୂର୍ଣ୍ଣ, ତାହାର ପ୍ରଚାର ପ୍ରସାର ଉଦ୍ଦେଶ୍ୟରେ ଭାରତରେ ପ୍ରତିବର୍ଷ ଫେବୃଆରୀ 28 ତାରିଖକୁ ଜାତୀୟ ବିଜ୍ଞାନ ଦିବସ ଭାବେ ପାଳନ କରାଯାଏ । 1928 ମସିହା ଏହି ଦିନ ବିଶିଷ୍ଟ ଭାରତୀୟ ବୈଜ୍ଞାନିକ ସାର୍ ଚନ୍ଦ୍ର ଶେଖର ଭେଙ୍କଟ ରମଣ ବା ସି.ଭି. ରମଣ ଆଲୋକ କଣିଆ ଫୋଟନର ବିଚ୍ଛୁରଣ ସମ୍ପର୍କିତ ଏକ ମହତ୍ତ୍ୱପୂର୍ଣ୍ଣ ଗୁଣ ଆବିଷ୍କାର କରିଥିଲେ । ଏହାକୁ ତାଙ୍କ ନାମ ଅନୁସାରେ ରମଣ ଇଫେକ୍ଟ ବୋଲି କୁହାଯାଏ । ଏହି ଆବିଷ୍କାର ପାଇଁ 1930 ମସିହାରେ ତାଙ୍କ ନୋବେଲ୍ ପୁରସ୍କାର ପ୍ରଦାନ କରାଯାଇଥିଲା । ବିଜ୍ଞାନ କ୍ଷେତ୍ରରେ ଭାରତ ପାଇଁ ମଧ୍ୟ ଏହା ପ୍ରଥମ ନୋବେଲ ପୁରସ୍କାର ଥିଲା ।

ନ୍ୟାସନାଲ କାଉନସିଲ ଫର୍ ସାଇନ୍ସ ଆଣ୍ଡ୍ ଟେକ୍ନୋଲଜି କମ୍ୟୁନିକେସନ୍ (NCSTC) ପକ୍ଷରୁ 1986 ମସିହାରେ
ଫେବୃଆରୀ 28 ତାରିଖକୁ ଜାତୀୟ ବିଜ୍ଞାନ ଦିବସ ଭାବେ ନାମିତ କରିବା ପାଇଁ ଭାରତ ସରକାରଙ୍କୁ ପ୍ରସ୍ତାବ ଦିଆଗଲା ଏବଂ ସେହିବର୍ଷ ସରକାର ଏହାକୁ ଗ୍ରହଣ କଲେ ଓ ଏହି ଦିନକୁ ଜାତୀୟ ବିଜ୍ଞାନ ଦିବସ ଭାବେ ଘୋଷଣା କଲେ । ଏହା ପରବର୍ଷ ଅର୍ଥାତ 1987 ମସିହା ଫେବୃଆରୀ 28 ତାରିଖରେ ପ୍ରଥମ ଥର ପାଇଁ ଜାତୀୟ ବିଜ୍ଞାନ ଦିବସ ପାଳନ କରାଗଲା । 

ଜାତୀୟ ବିଜ୍ଞାନ ଦିବସରେ ସାଧାରଣ ଲୋକଙ୍କ ଜୀବନରେ ବିଜ୍ଞାନର ଭୂମିକା ସମ୍ପର୍କରେ ପ୍ରଚାର ପ୍ରସାର କରାଯିବା ସହ ବିଭିନ୍ନ କ୍ଷେତ୍ରରେ ବିଜ୍ଞାନର ନୂଆ ସଫଳତା, ଆବିଷ୍କାର, ଉଦ୍ଭାବନ ଓ ନୂଆ ପ୍ରଯୁକ୍ତି ଆଦି ସମ୍ପର୍କରେ ମଧ୍ୟ ବିଭିନ୍ନ ମଞ୍ଚରେ ଆଲୋଚନା କରାଯାଏ । ବୈଜ୍ଞାନିକ ଓ ବିଜ୍ଞାନପ୍ରେମୀ ମାନେ ଏକାଠି ହୋଇ ଏହି ଦିବସରେ ମାନବଜାତିର ମଙ୍ଗଳ ପାଇଁ ଏବଂ ବିଭିନ୍ନ ପ୍ରସଙ୍ଗରେ ବିଜ୍ଞାନର ଅବଦାନ ଓ ନୂଆନୂଆ ଗବେଷଣା ଆଦି ସମ୍ପର୍କରେ ଆଲୋଚନା କରନ୍ତି । ଏଥିସହ ବିଜ୍ଞାନକୁ ଲୋକପ୍ରିୟ କରାଇବା ପାଇଁ ଲୋକଙ୍କୁ ପ୍ରୋତ୍ସାହିତ କରାଯାଏ । 

ଚଳିତବର୍ଷ ବିଜ୍ଞାନ ଦିବସର ବିଷୟବସ୍ତୁ ରହିଛି 'ଦିବ୍ୟାଙ୍ଗଙ୍କ ପାଇଁ ବିଜ୍ଞାନ ଓ ପ୍ରଯୁକ୍ତି ବିଦ୍ୟା' । ଦିବ୍ୟାଙ୍ଗଙ୍କ ପାଇଁ ବିଜ୍ଞାନ ବହୁ ପୂର୍ବରୁ ଏକ ଆଶୀର୍ବାଦ ଭାବେ ସାବ୍ୟସ୍ତ ହୋଇଛି । କିନ୍ତୁ ଦିନକୁ ଦିନ ଚିକିତ୍ସା ବିଜ୍ଞାନ ଓ ପ୍ରଯୁକ୍ତିର ବିକାଶ  ଓ ଅଗ୍ରଗତି ହେଉଛି । ତେଣୁ ଦିବ୍ୟାଙ୍ଗଙ୍କ ଜୀବନକୁ ସହଜ ଓ ସରଳ କରିବା ପାଇଁ, ସେମାନଙ୍କୁ ସଶକ୍ତ କରିବା ପାଇଁ ଏବଂ ତାହାର ଦୂର୍ବଳତାକୁ ଯଥାସମ୍ଭବ ଦୂରେଇ ଦେଇ ସାଧାରଣ ମଣିଷ ପରି ସେମାନଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବା ପାଇଁ ଆଜି ବି ବିଜ୍ଞାନ ଓ ପ୍ରଯୁକ୍ତି ପୂର୍ଣ୍ଣମାତ୍ରାରେ ଚେଷ୍ଟିତ । ଆଜିର ପ୍ରଯୁକ୍ତି ଦୃଷ୍ଟିହୀନଙ୍କ ହାତରୁ ସାଧାରଣ ଆଶାବାଡ଼ିକୁ କାଢ଼ିନେଇ ଏକ ଅତ୍ୟାଧୁନିକ ହାଇଫାଇ ଆଶାବାଡ଼ି ଧରାଇ ଦେଉଛି, ଯେଉଁଥିରେ ଜିପିଏସ୍ ସିଷ୍ଟମ ରହିଛି, ଜରୁରୀ ସମୟରେ ପରିବାର ଲୋକଙ୍କୁ କିମ୍ବା ପାଖ ଥାନାକୁ କିମ୍ବା ହସ୍ପିଟାଲକୁ ଫୋନ କରି ସୂଚିତ କରିବାର ସୁବିଧା ରହୁଛି । ଏହା ଗୋଟିଏ ମାତ୍ର ଉଦାହରଣ । ରୋବୋଟିକ୍ସ, ଥ୍ରୀ-ଡି ପ୍ରିଣ୍ଟିଂ, ନାନୋ ଟେକ୍ନୋଲଜି ଆଦି ଦିବ୍ୟାଙ୍ଗଙ୍କ ଜୀବନକୁ ଏତେମାତ୍ରାରେ ସହଜ କରିଦେବାର ସମ୍ଭାବନା ରହିଛି ଯେ, କଛି ବର୍ଷ ପୂର୍ବରୁ ସେସବୁ କଳ୍ପନାମାତ୍ର ଥିଲା ।



ଆହୁରି ପଢ଼ନ୍ତୁ : ଆର୍ଥ୍ ଆୱାରର ଆହ୍ୱାନ

Comments

Post a Comment

Popular posts from this blog

ଜିନ୍ ଏଡିଟିଂର କମାଲ୍: ମଣିଷ ଦେହରେ ଲାଗିବ ଘୁଷୁରିର ଅଙ୍ଗପ୍ରତ୍ୟଙ୍ଗ [Pig organs for human transplants]

Image
ନିଜ ଶରୀରରେ ପ୍ରତ୍ୟାରୋପଣ ପାଇଁ ଏକ ମ୍ୟାଚିଂ ଅଙ୍ଗ ଅପେକ୍ଷାରେ ଥିବା ରୋଗୀଙ୍କ ତାଲିକା ଖୁବ୍ ଲମ୍ବା । ସୁସ୍ଥ ଅଙ୍ଗ ଅପେକ୍ଷାରେ ପ୍ରତିଦିନ ବହୁ ରୋଗୀ ପ୍ରାଣ ହରାଉଛନ୍ତି । ପ୍ରତ୍ୟାରୋପଣ ପାଇଁ ଅଙ୍ଗର ଚାହିଦା ବା ଆବଶ୍ୟକତା ତୁଳନାରେ ଦାନ ହେଉଥିବା ଅଙ୍ଗର ସଂଖ୍ୟା ଖୁବ୍ କମ୍ । ତେଣୁ ବୈଜ୍ଞାନିକ ମାନେ ଚେଷ୍ଟା କରୁଛନ୍ତି, ଯଦି ମଣିଷ ଦେହରେ ପ୍ରତ୍ୟାରୋପଣ ପାଇଁ ଆବଶ୍ୟକ ହେଉଥିବା ଅଙ୍ଗ ଅନ୍ୟ କୌଣସି ଜୀବ ଠାରୁ ଅଣାଯାଇପାରନ୍ତା, ତେବେ ଏହି ଚାହିଦାକୁ କିଛି ପରିମାଣରେ ପୂରଣ କରାଯାଇପାରନ୍ତା ଏବଂ ଅଙ୍ଗ ଅଭାବରୁ ହୁଏତ କେହି ପ୍ରାଣ ହରାନ୍ତେ ନାହିଁ । ଇଣ୍ଟର୍ ସ୍ପେସିସ୍ ବା ଦୁଇଟି ଭିନ୍ନ ପ୍ରଜାତିର ପ୍ରାଣୀ ମଧ୍ୟରେ ଅଙ୍ଗ ପ୍ରତ୍ୟାରୋପଣକୁ ଜେନୋଟ୍ରାନ୍ସପ୍ଲାଣ୍ଟ (xenotransplant) କୁହାଯାଏ । ତେବେ ଏହି ଦିଗରେ ଆଉ ପାଦେ ଆଗକୁ ଯାଇ ବୈଜ୍ଞାନିକମାନେ ଘୁଷୁରିର ଅଙ୍ଗକୁ ମଣିଷ ଦେହରେ ପ୍ରତ୍ୟାରୋପଣ କରିବା କଥା ଚିନ୍ତା କରୁଛନ୍ତି । ମାଙ୍କଡ଼ ପ୍ରଜାତି (ଏପ୍) ଓ ଘୁଷୁରିର ଗୁଣସୂତ୍ରକୁ ପରିବର୍ତ୍ତିତ କରି ଏହାର ଟିସୁକୁ ମଣିଷ ଶରୀରରେ ଲାଗିବା ଭଳି ଉପଯୁକ୍ତ କରାଯାଇପାରେ । ଏକ 4ମାସ ବୟସ୍କ ଘୁଷୁରିର ଆଭ୍ୟନ୍ତରୀଣ ଅଙ୍ଗ ଗୁଡ଼ିକର ଆକାର ଓ କାର୍ଯ୍ୟକାରିତା ପ୍ରାୟତଃ ମଣିଷ ଭଳି ।   ଘୁଷୁରିର ଅଙ୍ଗ ମଣିଷ ଦେହରେ ଲାଗିବା ପାଇଁ ଉପଯୁକ୍ତ ହୋଇଥିଲେ ମଧ୍ୟ ଏଥିରେ ଏକ ବିରାଟ ସମସ୍ୟା ବାଧା ସୃଷ୍ଟି କରୁଥିଲା । ଘୁଷୁରିର ...
Read more

ଗ୍ରହମାନଙ୍କ ନାମକରଣ ରହସ୍ୟ: କେଉଁ ଗ୍ରହକୁ ମିଳିଛି କେଉଁ ଦେବାଦେବୀଙ୍କ ନାଁ (ଫଟୋଚିତ୍ର ସହ) [How did the planets get their names?]

Image
ଆମ ସୌରଜଗତର ସମସ୍ତ 8ଟି ଯାକ ଗ୍ରହ ଓ ବାମନ ଗ୍ରହ ପ୍ଲୁଟୋ ରୋମାନ୍ ଏବଂ ଗ୍ରୀକ୍ ଦେବାଦେବୀଙ୍କ ଅନୁସାରେ ନାମିତ ହୋଇଛନ୍ତି  । ବୃହସ୍ପତି, ଶନି, ମଙ୍ଗଳ, ଶୁକ୍ର ଓ ବୁଧ ଗ୍ରହର ନାମକରଣ ଗ୍ରୀକ୍ ଓ ରୋମାନ୍ ଦେବାଦେବୀଙ୍କ ନାମ ଅନୁସାରେ ହଜାରେରୁ ଅଧିକ ବର୍ଷ ପୂର୍ବରୁ ହୋଇସାରିଥିଲା  । ଦୂରବୀକ୍ଷଣ ଯନ୍ତ୍ର ବା ଟେଲିସ୍କୋପ ଉଦ୍ଭାବନ ହେବା ପରେ ଅନ୍ୟ ଗ୍ରହ ଗୁଡ଼ିକ ଆବିଷ୍କାର ହେଲା । କିନ୍ତୁ ସେହି ଗ୍ରୀକ୍ ଓ ରୋମାନ୍ ଦେବାଦେବୀଙ୍କ ଅନୁସାରେ ଗ୍ରହମାନଙ୍କ ନାମକରଣ ଧାରା ଜାରି ରହିଲା । ଆମ ଗ୍ରହ ପୃଥିବୀର ନାମକରଣ 'ଆର୍ଥ୍' ଉଭୟ ଇଂରାଜୀ ଓ ଜର୍ମାନ୍ ଭାଷାରୁ ଆସିଛି, ଯାହାର ଅର୍ଥ ଭୂମି । ତେବେ ଆସନ୍ତୁ ଦେଖିବା ଅନ୍ୟ ଗ୍ରହମାନେ କେଉଁ ଦେବାଦେବୀଙ୍କ ଅନୁସାରେ ନାମିତ ହୋଇଛନ୍ତି । ବୁଧ (ମର୍କ୍ୟୁରି) ସୂର୍ଯ୍ୟଙ୍କୁ ଖୁବ୍ ଶୀଘ୍ର ପରିକ୍ରମଣ କରୁଥିବାରୁ ଏହାକୁ ରୋମାନ୍ ପୁରାଣର ଭ୍ରମଣ, ବାଣିଜ୍ୟ ବା ବାର୍ତ୍ତାବହ ଦେବତାଙ୍କ ଅନୁସାରେ ନାମିତ ହୋଇଛି ।  ଶୁକ୍ର (ଭେନସ୍) ସୌନ୍ଦର୍ଯ୍ୟ ଓ ପ୍ରେମର ରୋମାନ୍ ଦେବୀଙ୍କ ଅନୁସାରେ ନାମିତ ହୋଇଛି । ସୂର୍ଯ୍ୟ ଓ ଚନ୍ଦ୍ର ବ୍ୟତୀତ ଆକାଶରେ ଶୁକ୍ର ଉଜ୍ଜ୍ୱଳ ଦେଖାଯାଉଥିବାରୁ ଏଭଳି ନାମକରଣ ହୋଇଛି । ମଙ୍ଗଳ (ମାର୍ସ୍) ଯୁଦ୍ଧର ରୋମାନ୍ ଦେବତାଙ୍କ ଅନୁସାରେ ନାମିତ ହୋଇଛି । ଏହି ଗ୍ରହର ରଙ୍ଗ ନାଲି ହୋଇଥିବାରୁ ଏହାର ନାମକରଣ ଏଭଳି ହୋଇଥାଇପାରେ ।    ...
Read more